Дам олиш кунлари ҳаво ҳарорати кечаси -10 гача тушиши кутилмоқда
Синоптиклар республикада дам олиш кунлари кутилаётган об-ҳаво ҳақида маълумот берди.
Ўзгидромет хабарига кўра, 22 январь куни республиканинг барча ҳудудлари Россиянинг Европа ҳудудидан кириб келган совуқ антициклон таъсири остида бўлади.
Кун давомида мамлакатимизнинг аксар ҳудудларида қор ёғиши кузатилади, фақат шимолий ҳудудларда ёғингарчилик бўлиши эҳтимоли камроқ. Ҳаво ҳарорати -2...-5 даража совуқ бўлади.
23 январь куни Ўзбекистон ҳудудларига совуқ атмосфера фронти таъсири сақланиб туради, республиканинг шимолий ва шарқий ҳудудларида бироз қор ёғиши мумкин. Ҳаво ҳарорати кечаси -5...-10 даража совуқни, кундузи 0...-5 даража совуқни ташкил этади.
24 январь куни ёғингарчилик кутилмайди, фақат тоғ олди ва тоғли ҳудудларда кечаси ва эрталаб бироз қор ёғиши мумкин. Кечаси -5...-10 даражагача бўлган совуқ кузатилади, кундузи ҳаво бироз манфий қийматларгача исийди ва 0...-3 даража илиқ атрофида бўлади.
Таъкидланишича, шу кунларда ўртача кеча-кундузлик ҳаво ҳарорати иқлимий меъёрлардан 8-10 даражага паст бўлади.
Nexia иштирокидаги ЙТҲда 3 киши куйиб ҳалок бўлди
“Пахтакор” илк марта Ўзбекистон Суперкубогини қўлга киритди — фото
Тўрткўлда 5 нафар фуқаро ис газидан заҳарланиб вафот этди