Тошкент шаҳар ИИББ Ахборот хизмати хабарига кўра, кеча 19 январь куни тахминан соат 21.30 да Юзрабод ва Козева кўчалари кесишмасида ЙТҲ содир бўлди.
Унда 23 ёшли Исломбек Д. бошқарувидаги Damas ва ишончнома асосида 29 ёшли Бухоро вилоятилик Бекзод Р. бошқарувидаги “ВАЗ-2115” тўқнашган.
ЙТҲ оқибатида “ВАЗ-2115” йўловчилари – 18 ёшли Бухоро вилоятилик Д.Б. ва 19 ёшли М.Ж. олган жароҳатлари туфайли воқеа жойида вафот этди.
“ВАЗ-2115” ҳайдовчиси ва йўловчи 27 ёшли Бухоро вилоятилик Шаҳризод Ш. Тан жароҳатлари билан шифохонага ётқизилган.
ЙТҲга Damas ҳайдовчисининг бурилиш вақтида тўғри йўлдан ҳаракатланиб келаётган “ВАЗ-2115”га йўл бермагани сабаб бўлгани тахмин қилинмоқда. Натижада “ВАЗ-2115” бошқарувни йўқотиб, йўл четидаги дарахтга тўқнашган.
Мазкур факт бўйича Жиноят кодексининг 266 моддаси 3 қисми бўйича жиноий иш қўзғатилди.