“Киберхавфсизлик маркази" ДУК давлат ва хўжалик бошқаруви ҳамда маҳаллий давлат ҳокимияти органларида ахборот ва киберхавфсизликнинг таъминланганлиги ҳолати бўйича 2020 йил 4-чораги учун якуний натижаларини эълон қилди.
Шунингдек, ташкилот томонидан ахборот ва киберхавфсизликнинг таъминланганлиги ҳолати бўйича юқори рейтингли (топ 10) ташкилотлар санаб ўтилди.
Унга кўра, дастлабки учталикни Адлия вазирлиги (94,7 балл), Марказий банк (94,4 балл) ва “Ўзсаноатқурилишматериаллари” уюшмаси (89 балл) банд қилган.
Кучли ўнталикдан қуйидагилар жой олган:
4-ўрин – Наманган вилояти ҳокимлиги (88 балл);
5-ўрин – Навоий кон-металлургия комбинати (87 балл);
6-ўрин – Давлат божхона қўмитаси (87 балл);
7-ўрин – Давлат солиқ қўмитаси ҳузуридаги кадастр агентлиги (86,4 балл);
8-ўрин – Давлат активларини бошқариш агентлиги (86,2 балл);
9-ўрин – АТИБ "Ипотека-Банк" (85 балл);
10-ўрин – АТБ “Ўзсаноатқурилишбанк” (83,4 балл).
Эслатиб ўтамиз, яқинда Сурхондарё вилоят ҳокимлиги расмий сайти, ундан аввал эса Коррупцияга қарши курашиш агентлиги расмий сайти хакерлик ҳужумига учраганди.