Бугун соат тахминан 09.15 ларда Чилонзор тумани Байналминал кўчасида (“Чарх Камолон” маҳалласи рўпарасида) 36 ёшли микроавтобус ҳайдовчиси тартибга солинмаган пиёдалар ўтиш йўлагидан ўтаётган 57 ёшли Мастура Т.ни уриб юборган. Бу ҳақда Тошкент шаҳар ИИББ Ахборот хизмати хабар берди.
Натижада тан жароҳатлари олган пиёда ҳодиса жойида вафот этган. ЙТҲ сабаблари аниқланмоқда.
Мазкур ҳолат бўйича Жиноят кодексининг 266-моддаси 2-қисми билан жиноят иши қўзғатилган.