Ижтимоий тармоқларда банк шохобчаси электрон таблосида “Пул йўқ, қаерга борсан бор” деб ёзилган видеолавҳа тарқалди.
Zamon.uz'нинг ушбу ҳолат бўйича “Микрокредитбанк” Ахборот хизмати раҳбари С. Очиловга таяниб маълум қилишича, воқеа Сирдарё вилоятининг Гулистон шаҳридаги “Микрокредитбанк”нинг 24/7 режимида ишловчи шохобчасида содир бўлган.
Қайд этилишича, ёзув “Микрокредитбанк” ходимлари томонидан эмас, балки электрон таблога масофадан боғланиш функцияси орқали боғланган ҳолда номаълум шахслар томонидан ўзгартирилган.
Банк вакилининг айтишича, ўша вақтда банкоматда 241 млн сўм пул бўлган. Шунингдек, келтирилган ноқулайликлар учун узр сўраб, ушбу ҳолат банк томонидан назоратга олиниб, келгусида бу каби ҳолатларнинг олдини олиш чоралари кўрилмоқда.