2021 йил 13 январь куни ИИВ ЖҚББ Коррупция ва иқтисодий жиноятларга қарши курашиш бошқармаси ҳамда ДХХ ходимлари ҳамкорлигида ўтказилган тезкор тадбирда Россияга боришга ноқонуний ҳужжат тайёрлаб бераётган фуқаро қўлга олинди, дея хабар бермоқда ИИВ ЖҚББ Коррупция ва иқтисодий жиноятларга қарши курашиш бошқармаси Ахборот хизмати.
Тошкент шаҳар Шота Руставели кўчасида жойлашган “Хумо транс” авиакасса раҳбари К.Е. фуқаро М.З.ни алдаб, пандемия шароитида чет давлатга даволаниш учун боришга асос бўлувчи касаллиги ҳақида ҳужжат тайёрлаб беришига ва шу ҳужжатга асосан бемалол Россияга бориши мумкинлигига ишонтириб, унинг 1 450 АҚШ долларини олган вақтида ашёвий далиллар билан ушланди.
Аниқланишича, фуқаро К.Е. бундан аввал 79 нафар фуқарони шу усулда алдаб, уларнинг ҳар биридан 1 200 АҚШ долларидан жами 94 800 АҚШ доллари миқдоридаги пул маблағларини қўлга киритганлиги аниқланди.
Мазкур ҳолат бўйича 2021 йил 13 январь куни Тошкент шаҳар ИИБ ҳузуридаги Тергов бошқармаси томонидан фуқаро К.Е.га нисбатан жиноят иши қўзғатилиб, эҳтиёт чораси тариқасида қамоққа олинган. Жиноят иши юзасидан тергов ҳаракатлари олиб борилмоқда.