Излаш
RUUZ

Жамият

Ўзбекистондан ноқонуний чиқиб кетаётган валюталарнинг асосий йўналиши Қирғизистон эканлиги айтилди

Жумладан, 2017-2019 йилларда Қирғизистон орқали мамлакатдан 57,5 млрд сўм миқдоридаги валюта бирликлари чиқиб кетишининг олди олинган.

582views0replies
0

UzNews.uz

Валюта бирликларнинг Ўзбекистондан турли хил йўллар билан ноқонуний чиқиб кетиши йилдан-йилга ўсиб бормоқда. Бундай хатти-ҳаракатлар кузатилаётган энг асосий йўналишлардан бири – Қирғизистон эканлиги айтилмоқда. 
Жумладан, 2020 йилнинг 9 ойида 5,6 млрд сўм миқдоридаги маблағнинг Қирғизистонга ноқонуний ўтиб кетишининг олди олинган. Бу ҳақда Давлат божхона қўмитаси Божхона институти эксперти Фарҳод Ғофуров маълум қилди.  
Қайд этилишича, 2019 йилда Ўзбекистондан турли хил валюталардаги маблағларни 220 дан ортиқ ҳолатда ноқонуний олиб чиқишга уриниш бўлган.
Ўзбекистондан турли хил валюталардаги маблағларнинг чиқиб кетиши энг кўп мамлакатнинг Қирғизистон билан чегараси орқали кузатилган.
Жумладан, 2017 йилда Ўзбекистон ҳуқуқни муҳофаза қилиш идоралари Қирғизистонга 4,3 миллиард сўмдан ортиқ миқдордаги чет эл валютасини чиқазишга бўлган уринишларни фош қилган бўлса, 2018 йилда 26,2 миллиард сўмдан ортиқ, 2019 йилда 27 миллиард сўмдан ортиқ, 2020 йил январь-сентябрь ойларида эса 5,6 миллиард сўм пул маблағларининг ноқонуний чиқиб кетишининг олди олинган.
Эксперт Фарҳод Ғофуровга кўра, ушбу йўналишда валютанинг фаол равишда чиқиб кетаётганига Ўзбекистон ва Қирғизистон ўртасидаги чегара участкалари устидан назоратнинг сустлиги ёрдам беради.
Статистик маълумотларга кўра эса 2017-2019 йилларда ва 2020 йил январь-сентябрь ойлари давомида валюта бирликларининг Ўзбекистондан Қирғизистонга ноқонуний равишда олиб чиқилиши асосан, қуйидаги йўналишларда амалга оширилган: “Фарғона-Юқори Водил”, “Наманган-Заркент” (Наманган вилояти Янгиқўрғон тумани), автомагистрал “Тошкент – Aндижон” (Фарғона вилоятининг Ёзёвон тумани), “Наманган - Косонсой ”(Наманган вилояти Косонсой тумани).
“Чет эл валютасининг Ўзбекистондан бошқа мамлакатларга ноқонуний экспорт қилиниши валюта биржасида чет эл валютаси таклифининг пасайишига олиб келади, бу эса ўзбек сўмининг хорижий валюталарга нисбатан реал курсига салбий таъсир кўрсатмоқда. Шу билан бирга, мамлакатнинг валюта ресурслари камаяди, бошқа мамлакатларнинг инвестиция салоҳияти ошиши билан миллий иқтисодиётга сармоя киритиш имкониятлари камаяди, бу келажакда Ўзбекистоннинг тўлов балансига салбий таъсир қилади. Бинобарин, чет эл валютасини Ўзбекистондан бошқа мамлакатларга экспорт қилишни камайтириш иқтисодий хавфсизликнинг муҳим вазифаларидан биридир”, деб ёзади Давлат божхона қўмитаси Божхона институти эксперти Фарҳод Ғофуров.
582views0replies
0

Изоҳлар