“Пахтакор” футбол клуби ярим ҳимоячиси Жалолиддин Машарипов Австралиянинг Fox Sports телеканали томонидан Осиёнинг энг яхши футболчиси мукофотига номзодлар қаторига киритилди.
24 кишилик номзодлар орасида қатор таниқли футболчилар бор. Хусусан, Андрес Иньеста (“Виссел Кобе”), Сон Хон-Мин (“Тоттенхэм”), Такефуса Кубо (“Реал”га тегишли) каби футболчилар Машариповга рақобатчилик қилади.
Номзодлар бўйича Япония (5 нафар), Эрон ва Жанубий Корея (4 нафардан) етакчилик қилмоқда.
Эслатиб ўтамиз, Жалолиддин Машарипов Coca Cola Суперлигасининг сўнгги мавсумининг энг яхши футболчиси деб топилганди.