“Юксалиш” умуммиллий ҳаракати 2020 йилда маҳаллий вакиллик ва ижроия ҳокимияти органларида амалга оширилган тайинловлар ва уларнинг қайси соҳада кўпроқ кузатилгани борасида инфографикасини тақдим қилди.
Қайд этилишича, энг кўп кадрлар алмашинуви ҳукумат таркибида кузатилиб, жорий йилда 14 та тайинлов амалга оширилган. Шунингдек, президент администрациясида 6 та, элчилар 5та, маҳаллий бошқарув органларида 4 та, парламентда 2 та ва суд тизимида 1 та тайинловлар амалга оширилган.
Жорий йилда юқори лавозимларга тайинланган аёллар сони ҳам ошди. Хусусан, Феруза Маҳмудова Ўзбекистоннинг Исроилдаги фавқулодда ва мухтор элчиси бўлди. Бундан ташқари, Шаҳло Турдиқулова инновацион ривожланиш вазирининг биринчи ўринбосари, Умида Тухташева эса Коррупцияга қарши курашиш агентлиги директорининг ўринбосари этиб тайинланди.
