25 ёшли ўзбекистонлик теннисчи Темур Исмаилов келишилган ўйинларда иштирок этгани учун 7 йилга дисквалификация қилинди ва 12 минг доллар жаримага тортилди. Бу ҳақда теннис ўйинларини тафтиш қилувчи Tennis Integrity Unit ташкилоти сайтида эълон қилинди.
Tennis Integrity Unit Теннисда профессионал этика бўлими томонидан ўтказилган тафтиш давомида, спортчи теннисдаги коррупцияга қарши курашиш қоидаларини бузиб, 2014, 2015 ва 2019 йилларда келишилган ўйинларда қатнашгани аниқланган.
Теннисчига нисбатан белгиланган санкцияларга мувофиқ тарзда, жорий йил 18 декабрдан барча теннис турнирларида қатнашиш ва у ерга бориш тақиқлаб қўйилди.
Аввалроқ, ўзбекистонлик уч нафар ҳакам коррупция сабаб футболдан четлатилганди.