Ўз жонига қасд қилган набирасини қутқармочи бўлган бобо ҳам сувда чўкиб кетди. Бу ҳақда ИИВнинг “Postda” газетаси хабар берди.
Аниқланишича, жорий йилнинг 16 декабрь куни Андижон вилоятининг Балиқчи туманида яшаган, 2002 йилда туғилган З.К. ўз жонига қасд қилиб, уйи олдидан оқиб ўтувчи “Қорадарё” каналига ўзини ташлаган вақтда буни 65 ёшли бобоси кўриб қолган. Неварасини қутқариш учун у ҳам сувга тушган. Лекин оқим кучлилиги ва сувнинг совуқлиги вазиятни оғирлаштирган. Натижада неварага қўшилиб, бобо ҳам чўкиб кетган.
Жасадларни сувдан қидириб топиш чоралари кўрилган. Ҳолат юзасидан прокуратура суриштирув ишларини олиб боряпти.