1 USD = 10477.86 1 EUR = 12606.96 1 RUB = 141.84
БҲМ = 245 000 сўм МҲЭКМ = 747 300 сўм
1 USD = 10477.86 1 EUR = 12606.96 1 RUB = 141.84
БҲМ = 245 000 сўм МҲЭКМ = 747 300 сўм
Жамият
19 декабрь 2020 г. 1452 0

23 ёшида вазир ўринбосари бўлган йигитнинг ишдан кетиши сабаби айтилди

Саидакбархон Акбаров Шавкат Мирзиёев таклифи билан лавозимга тайинланганди.

23 ёшида вазир ўринбосари бўлган йигитнинг ишдан кетиши сабаби айтилди
Фото: Туризмни ривожлантириш давлат қўмитаси

Кеча, 18 декабрь куни Tashkent city’даги Congress Hall мажмуасида “Тошкент ёшлар форуми — 2020” доирасида “Тошкентнинг маданий ва туристик қиёфаси – 2030” мавзусида очиқ мулоқот бўлиб ўтди.   

Унда Туризмни ривожлантириш давлат қўмитаси раиси Азиз Абдуҳакимов президент таклифи билан 23 ёшида ўзига ўринбосар бўлган Саидакбархон Акбаровнинг ишдан кетиш сабабини маълум қилди.

“Бу йигитимиз ишга жуда яхши киришди. Бу жуда катта лавозим ва катта масъулият талаб қилади. Бунақа лавозимда ишлаган одам бутун вақтини ишга бағишлаши керак. У ҳали дипломга эга эмаслиги учун ўзи бу лавозимдан кетишини айтди. Диплом олиши кераклигини ва ўзини бизнесда синамоқчи эканини айтиб, қўйиб юборишимизни сўради.

Ташкилот раҳбарининг ўринбосари бўлиб ишлаш учун жуда катта тажриба керак. Саидакбар учун бу тажриба бўлди. Биз унга қўлдан келганча ёрдам бердик. Аммо унинг ўзи бу лавозимдан кетишни сўради”, - деди Азиз Абдуҳакимов.

Эслатиб ўтамиз, Саидакбархон Акбаров 2018 йилда Халқаро Вестминстер университетининг 4-босқич талабаси бўлган вақтида президентга берган амалий таклифлари ортидан Туризмни ривожлантириш давлат қўмитаси раиси ўринбосари вазифасини бошқарувчи этиб тайинланганди.

Изоҳлар
Изоҳ қолдириш Мавзу бўйича қизиқарли ва маъноли фикрлар қабул қилинади.
Янгилик қўшиш
Муҳокама қилинаётган барча мақолалар