Tashkent city’да жойлашган Congress Hall мажмуасида “Тошкент ёшлари форум — 2020” доирасида ўтказилган матбуот анжуманида Тошкент шаҳар ҳокими Жаҳонгир Ортиқхўжаев форумда TikTok юлдузларининг иштирок этиши бўйича берилган саволга жавоб берди.
“TikTok ҳам ижтимоий тармоқлар, интернет оламининг бир қисмига айланиб улгурди. Уларни чеклаш эмас, балки тўғри йўлга солишимиз керак. Ўзбекистон демократик давлат, бизга чеклаш ярашмайди. Уларни тўғри йўлга солсак, бугун арзимасдек кўринган ўша ёшлар эртага керакли инсонга айланади”, - деди ҳоким.
Яқинда, Андижон шаҳри хиёбонида қилган майда безориликлари билан танилиб, кенг муҳокамаларга сабаб бўлган “TikTok’чилар” маъмурий қамоқ ва жаримага тортилганди.