Жорий йилнинг август ойида Олий судда таъминотчи вазифасида ишлаган фуқаронинг жасади Қибрай туманида саёҳат жомадонидан топилгани ҳақида хабар бергандик.
Кейинроқ қотиллик юзасидан 2 нафар шахс гумонланувчи сифатида қамоққа олингани маълум қилинганди.
Асосий гумондор сифатида Шошилинч тиббий ёрдам илмий марказининг травматология бўлими бошлиғи эканлиги айтилганди.
Бугун, 11 декабрь куни жиноят ишлари бўйича Тошкент шаҳар судида мазкур жиноят иши бўйича суд ҳукми ўқилди.
Судья Алишер Жалилов раислигида ўтган суд мажлисида ўқилган суд ҳукмига кўра судланувчиларнинг бири 19 йилга, унинг жиноий шериги 5 йилга озодликдан маҳрум қилинди.