3 декабрь куни Шавкат Мирзиёев тиббий мақсадларда каннабис етиштириш ва қайта ишлаш учун лицензия олишда давлат божи ставкаларини тасдиқловчи қонунни имзолади.
3 декабрдаги тегишли қонунга мувофиқ, қуйидаги давлат божи белгиланган:
• етиштириш учун — БҲМнинг 3000 баравари (669 миллион сўм);
• импорт ва экспорт қилиш, қайта ишлаш, сақлаш, сотиш, сотиб олиш ва ташиш учун — БҲМнинг 200 баравари (44,6 миллион) миқдорида белгиланган.
Шу билан бирга, каннабиснинг рухсат берилган навлари, уларни етиштириш ва айланмаси шартлари, лицензиялаш тартиби Вазирлар Маҳкамаси томонидан тасдиқланади.
Кейинроқ, БМТ каннабисни энг хавфли гиёҳванд моддалар рўйхатидан чиқаргани маълум бўлди.