24-29 ноябрь кунлари тхэквондо бўйича катталар ўртасидаги Ўзбекистон чемпионатида 73кг.гача бўлган вазн тоифасида Гулсанам Алижонова олтин медални қўлга киритди. Бу ҳақда Ўзбекистон тхэквондо WTF ассоциацияси Матбуот хизмати хабар берди.
“Ушбу олтин медалимни онамга бағишлайман, сабаби чемпион бўлишимда уларнинг ўрни беқиёс”, - деган Гулсанам.
Энди у 2024 йили Парижда бўладиган ёзги Олимпия ўйинларида иштирок этишни мақсад қилган.
Эслатиб ўтамиз, 2020 йилнинг 25 июнь куни Норин туманида Гулсанам Алижонова икки эркакни дўппослаганидан кейин, унга нисбатан жиноят иши қўзғатилганди. У буни йигитлар унинг онасини сўккани учун қилганини айтганди.
