Россиянинг Ветеринар ва фитосанитар назорат федерал хизмати 2020 йилнинг 26 ноябридан бошлаб Фарғона вилоятидан келтириладиган помидор ва қалампир импортини тақиқлаб қўйди.
Ушбу чора мазкур ҳудуддан келтирилган помидор ва қалампирлардан тобамовирус (Tomato brown rugose fruit virus (ToBRFV)) аниқлангани сабаб бўлган.
“Россельхознадзор” мазкур вируснинг Россия ҳудудида тарқалишини олдини олишда чеклов киритиш бўйича тегишли қонун қабул қилган.
Ташкилот тақиқ қачон олиб ташланишига ойдинлик киритмаган.
Эслатиб ўтамиз, Россия 2017 йилда Ўзбекистон помидорларида Жанубий Америка томат куяси аниқлангани туфайли 19 тонналик маҳсулотни қабул қилмаганди.