Излаш
RUUZ

Жамият

Боғчалар замонавий беговеллар билан таъминланади

Мактабгача таълим муассасаларига замонавий беговеллар келтириш ва биринчи болалар велопойгасини ўтказиш бўйича Меморандум имзоланди.

646views0replies
0

Иллюстрация

Президентнинг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги фармони асосида Жисмоний тарбия ва спорт вазирлиги, Мактабгача таълим вазирлиги ҳамда Европада хавфсизлик ва ҳамкорлик ташкилоти (ЕХҲТ) ҳамкорлигида мактабгача таълим муассасаларини замонавий беговеллар (болалар учун педалсиз велосипедлар) билан таъминлаш бўйича Меморандум имзоланди. Бу ҳақда МОҚ Ахборот хизмати хабар берди.  
Бундан ташқари “Ўзбекистонда биринчи болалар велопойгаси” ҳам ўтказилади.
Мазкур тадбирда Олий Мажлис Сенати раиси, мамлакат велосипед спорти федерацияси раиси Танзила Норбоева, Жисмоний тарбия ва спорт вазири Дилмурод Набиев, Мактабгача таълим вазири Агриппина Шин ва ЕХҲТнинг мамлакатимиздаги доимий координатори Жон Макгрегор иштирок этишди.
“Меморандумдан кўзланган асосий мақсад – ёш болаларни жисмоний тарбия ва оммавий спорт билан шуғулланишга шарт-шароит яратишни кенг йўлга қўйган ҳолда республикамизнинг барча ҳудудларидаги мактабгача таълим муассасаларини босқичма-босқич Беговеллар билан таъминлаш, томонлар ўртасида ўзаро самарали ҳамкорликни кенгайтириш ва мустаҳкамлаш учун замин яратиш, бугунги кунда юртимизда жисмоний тарбия ва спорт соҳасини жадал ривожлантириш юзасидан тизимли ишлар амалга оширишдан иборат”, - дейилади хабарда.
646views0replies
0

Изоҳлар