Тошкент табиатни муҳофаза қилиш прокуратураси ташкил этилди.
Қайд этилишича, янги ихтисослаштирилган прокуратура 10 та бошқарув ходимларидан иборат бўлиб, улар Тошкент вилояти прокуратураси штат бирликларини мақбуллаштириш ҳисобига шакллантирилди.
Тошкент вилояти прокуратураси бўлим бошлиғи ўринбосари лавозимида ишлаб келган Фаррух Бобораҳимов Тошкент табиатни муҳофаза қилиш прокурори этиб тайинланди.
Эслатиб ўтамиз, президентнинг 2020 йил 27 августдаги «Бўстонлиқ туманида бошқарувнинг алоҳида тартибини жорий этиш орқали туризмни жадал ривожлантириш чора-тадбирлари тўғрисида»ги Фармонида Бош прокуратура тизимида табиатни муҳофаза қилишга оид қонунчилик ижроси устидан назорат ҳамда ерлардан ноқонуний фойдаланишни бартараф этиш бўйича ихтисослаштирилган прокуратура ташкил этилиши кўрсатиган эди.