Иқтисодиёт

Ўзбекистонда олтин қуймаларнинг аҳолига эркин сотуви бошланди — фото, нарх

Сотувга 5 — 50 грамм бўлган 4 турдаги олтин қуймалар чиқарилди.

Ўзбекистонда олтин қуймаларнинг аҳолига эркин сотуви бошланди — фото, нарх
Фото:Марказий банк

Марказий банк жорий йилнинг 2 ноябридан ўлчовли олтин қуймаларни тижорат банклари орқали сотувга чиқарилганини маълум қилди.  

 

Энди оғирлиги 5, 10, 20 ва 50 грамм бўлган, 999,9 софликдаги олтиндан тайёрланган қуймалар махсус ҳимоя қадоқларида сотув учун тақдим этилади.

Олтин қуймаларнинг қадоғи сертификат вазифасини бажаради ва ўз серия рақамига эга бўлади. Бу Италиянинг Certiline Srl компанияси билан ҳамкорликда ишлаб чиқилган.

Олтин қуймаларнинг нархи унинг оғирлигига қараб фарқ қилади:

 

- 5 грамм — 3 436 000 сўм;

- 10 грамм — 6 623 000 сўм;

- 20 грамм — 13 121 000 сўм;

- 50 грамм — 32 177 000 сўм.

 

Қайд этилишича, олтин қуймаларнинг сотиш ва қайтариб сотиб олиш нархлари олтиннинг жаҳон бозоридаги нархи ва Марказий банк томонидан белгиланган маржа ёки чегирма асосида шаклланади ва ҳар куни Марказий банкнинг веб-сайтида миллий валютада эълон қилиб борилади.  

 

Қадоқлари бут олтин қуймалар сотув шахобчаларида тижорат банки томонидан ёмби эгасига тўловни дархол амалга ошириш орқали қайтариб сотиб олинади.

 

Қадоғи бузилган ёки техник талабларга мос келмайдиган олтин қуймаларни қайтариб сотиб олиш уларни техник экпертизадан ўтказиш орқали амалга оширилади ва экспертиза ўтказилгандан сўнг тўлов тўлаб берилади. 

 

Қадоғи бут ҳолатдаги олтин қуймаларни Ўзбекистондан ташқарига олиб чиқишга рухсат берилади.

 

Ўлчовли олтин қуймаларнинг сотиш ва қайтариб сотиб олиш шохобчаларининг тўлиқ рўйхати билан ушбу ҳаволада танишишингиз мумкин.

изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ