1 USD = 10477.86 1 EUR = 12606.96 1 RUB = 141.84
БҲМ = 245 000 сўм МҲЭКМ = 747 300 сўм
1 USD = 10477.86 1 EUR = 12606.96 1 RUB = 141.84
БҲМ = 245 000 сўм МҲЭКМ = 747 300 сўм
Жамият
30 октябрь 2020 г. 467 0

Туркиядаги зилзилада ҳалок бўлган ва жароҳатланганлар орасида ўзбекистонликлар йўқ

Ташқи ишлар вазирлиги Консуллик-ҳуқуқий департаменти Туркиядаги зилзиладан жабрланганлар орасида ўзбекистонликлар йўқлигини маълум қилди.

Туркиядаги зилзилада ҳалок бўлган ва жароҳатланганлар орасида ўзбекистонликлар йўқ
Фото: Reuters

Ўзбекистоннинг Истанбул шаҳридаги Бош консулхонаси маълумотига биноан, Тошкент вақти билан соат 19.30 ҳолатига кўра Туркиянинг ғарбий қисмида 2020 йил 30 октябрда содир бўлган кучли зилзила натижасида ҳалок бўлган ва жароҳат олганлар орасида Ўзбекистон фуқаролари қайд этилмаган.

Ўзбекистоннинг Анқарада шаҳридаги Элчихона ва Истанбул шаҳридаги Бош консулхонаси Измир вилоятининг Тезкор штаби билан доимий алоқа ўрнатган.

Ташқи ишлар вазирлиги Консуллик-ҳуқуқий департаменти жароҳат олган ўзбекистонликлар тўғрисида маълумот аниқланганда, зарур ёрдам кўрсатиш учун Ўзбекистоннинг Истанбул шаҳридаги Бош консулхонасига мурожаат қилиш лозимлиги ҳақида огоҳлантирмоқда. (тел.: +90 212-323-20-36/37).

Эслатиб ўтамиз, аввалроқ Шавкат Мирзиёев зилзила оқибатида инсонлар қурбон бўлгани, кўплаб фуқаролар жaроҳат олгани ҳамда катта талафот кўрилгани муносабати билан Туркия Президентига ҳамдардлик билдиргани ҳақида маълум қилинган эди.

Изоҳлар
Изоҳ қолдириш Мавзу бўйича қизиқарли ва маъноли фикрлар қабул қилинади.
Янгилик қўшиш
Муҳокама қилинаётган барча мақолалар