Uzcard’нинг маълум қилишича, жорий йил 1 ноябрдан бошлаб онлайн омонатлар бўйича комиссия 0% ни ташкил этади.
Uzcard тўлов тизимининг Оператори — "Ягона умумреспублика процессинг маркази" МЧЖ, Ўзбекистон Республикасининг "Тўловлар ва тўлов тизимлари ҳақидаги" Қонунининг 8-моддасига мувофиқ шаклда, "Онлайн-омонатлар бўйича маълумотга ишлов бериш" хизмати қийматининг "0,25%"дан "0%" га ўзгарганлиги хақида хабар беради", дейилади компания хабарида.
Эслатиб ўтамиз, ушбу комиссия жорий йил 1 майда жорий қилинган эди.
Аввалроқ "Ягона умумреспублика процессинг маркази" (Uzcard) таъсисчилари ўзгарганди. Маълум қилинишича, янги рўйхатда компаниянинг 75 фоиз акциясига эга бўлган Ойбек Турсунов йўқ. 9 август ҳолатига кўра, компаниядаги 51 фоиз улуш Ўзбекистон Республикаси Ташқи иқтисодий фаолият Миллий банкига, 6 фоизи "Ўзсаноатқурилишбанк"ига, 6 фоизи "Aсака банки"ига, 6 фоизи "Ипотекабанк"ига ва 6 фоизи "Aлоқабанк"ига тегишли.
Августда HUMO директорининг ўринбосари бўлган ва Марказий банкда ишлаган Дилшод Икромов Uzcard раҳбари этиб тайинланганди.