“Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида”ги Ўзбекистон Республикаси Қонунининг 4-моддаси ҳамда Ўзбекистон Республикаси Сайлов кодексининг 16-моддасига мувофиқ Ўзбекистон Республикаси Марказий сайлов комиссияси 39-Қизилтепа сайлов округидан сайланган Ўзбекистон Олий Мажлисининг Қонунчилик палатаси депутати Борий Батирович Алиханов ҳамда 82-Шўрчи сайлов округидан сайланган Ўзбекистон Республикаси Олий Мажлисининг Қонунчилик палатаси депутати Нариман Маджитович Умаровларнинг берган ёзма аризасига асосан уларнинг депутатлик ваколати муддатидан илгари тугатилганлиги юзасидан қарор қабул қилинди. Бу ҳақда Марказий сайлов комиссияси хабар берди.
Президентнинг тегишли фармонига асосан ҳамда Ўзбекистон Сайлов кодексининг 14, 16 ва 75-моддаларига мувофиқ, Марказий сайлов комиссияси Алиханов Борий Батирович ва Умаров Нариман Маджитовичларни Олий Мажлис Сенати аъзолари этиб рўйхатга олган.