Ҳодисалар

Паркентда сув цистернаси ёрилиб кетди. 8 та дала ҳовлига зарар етган — фото

Фавқулодда вазиятлар вазирлиги цистернада сиғими 2000 кубометр сув бўлганини айтмоқда.

Паркентда сув цистернаси ёрилиб кетди. 8 та дала ҳовлига зарар етган — фото
Фото:Teznews.uz

Тошкент вилояти Паркент туманидаги сув цистернаси ёрилиши оқибатида бир нечта маиший бинога зарар етган. Бу ҳақда Фавқулодда вазиятлар вазирлиги ахборот хизмати хабар берди.  

 

Маълум қилинишича, ҳодиса 20 октябрь, сешанба куни эрталаб соат 04:30 да Тошкент вилояти Паркент тумани ҳудудидаги ҳовлилардан бирида содир бўлган. Дастлабки маълумотларга кўра, ушбу цистернада сиғими 2000 кубометр сув бўлган. Ҳодиса оқибатида ҳолат юз берган жой яқинида жойлашган 8 та дала ҳовлиларга қисман зарар етган.

 

Оқибатда ҳудуд сув таъминоти тизимидан узилиб қолган. Техноген фалокат шунингдек, электр тизимида ҳам узилишлар содир бўлишига сабаб бўлган.

 

Юзага келган вазиятда жабрланган ва вафот этганлар аниқланмаган. Айни дақиқаларда Тошкент вилояти Фавқулодда вазиятлар бошқармасининг ёнғин-қутқарув гуруҳлари воқеа жойида хонадонлардан сув тортиш ишларини олиб бораётгани маълум қилинди.

 

 

изоҳлар
Мавзу бўйича қизиқарли ва маъноли фикрлар қабул қилинади.
ЎХШАШ МАҚОЛАЛАР
ДОЛЗАРБ
ОММАВИЙ
ҚИЗИҚАРЛИ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ