Фарғона вилояти ИИБ матбуот хизмати маълум қилишича, вилоятда замонавий инновацион технологиялардан фойдаланган ҳолда карантин тартибини сақлаш учун янги усул жорий қилинмоқда.
Ўзбекистонда илк маротаба жамоат жойларида карантин қоидаларига амал қилмай, ниқобсиз ҳаракатланган фуқароларни видео, фотофиксация воситалари орқали аниқлаш амалиёти йўлга қўйилади.
Қайд этилишича, фотосуратга олинган ниқобсиз фуқаронинг шахси махсус база орқали аниқланиб, ИИО ва давлат санитария-эпидемиология назорати маркази ходимлари томонидан маъмурий баённома расмийлаштирилади. Ушбу баённома фуқаронинг яшаш хонадонига почта орқали юборилади.
Ушбу тартиб Фарғона вилоятида жорий йилнинг 17 октябрь кунидан бошлаб амалиётга жорий қилинади.
14 октябрь ҳолатига, ССВ маълумотларига кўра Фарғона вилоятида коронавирусга чалинганлар сони 479 тани ташкил қилган.