Президент қарори билан Шаҳло Ўткуровна Турдиқулова инновацион ривожланиш вазирининг биринчи ўринбосари лавозимига тайинланди.
Шу кунга қадар Шаҳло Турдиқулова Инновацион ривожланиш вазирлиги ҳузуридаги Илғор технологиялар маркази директори лавозимида ишлаб келган.
Шаҳло Турдиқулова 1973 йилда Тошкент шаҳрида туғилган. 1995 йили Мирзо Улуғбек номидаги Ўзбекистон миллий университетини тамомлаган.
Биология фанлари доктори, профессор. “Дўстлик” ордени соҳибаси. Илмий фаолияти давомида 160 тадан ортиқ илмий ишлари, жумладан 2 та ўқув дарслик ва 2 монография чоп этилган.