Тошкент шаҳар ИИББ матбуот хизмати хабарига кўра, кеча, 7 октябрь куни тахминан соат 21.00 да Чилонзор тумани Бунёдкор кўчасида ЙТҲ содир бўлди.
Lacetti автомобилини ишончнома асосида бошқариб борган 21 ёшли Одилхўжа О. бошқарувни йўқотиб, дарахтга тўқнашиб кетган. Ҳозирда ҳодиса сабаблари аниқланмоқда.
ЙТҲ натижасида автомобиль ҳайдовчиси воқеа жойида ҳаётдан кўз юмган. Ҳолатни ўрганиш ишлари давом этмоқда.