Излаш
RUUZ

Жамият

Давлат раҳбаридан тортиб барча идоралар раҳбарлари босқичма-босқич декларация тизимига ўтилади – Акмал Бурхонов

Агентлик директори яқин беш йил ичида давлат бюджетидан ойлик оладиган барчанинг мол-мулклари декларация қилиниши ҳақида маълум қилди.

815views0replies
0

Flickr / AgriLife Today

Бугун Коррупцияга қарши курашиш агентлигида ОАВ вакиллари ва блогерлар иштирокида матбуот анжумани бўлиб ўтмоқда. Унда Агентлик раҳбарияти томонидан кенг жамоатчиликка ўтган вақт давомида амалга оширилган ишлар ҳамда келгуси режалар ҳақида ахборот берилди.  
Коррупцияга қарши курашиш агентлиги директори Акмал Бурҳонов давлат бюджетидан ойлик оладиган барчанинг мол-мулклари декларация қилиниши ҳақида маълум қилди.
"Мақсадимиз — эртами-кечми, давлат бюджетидан ойлик оладиган барча давлат хизматчиларининг мол-мулки декларация қилиниши керак. Буни қуйидан эмас, юқоридан бошлаш керак. Давлат фуқаролик хизмати тўғрисидаги қонун лойиҳасини кўпчилик нотўғри тушунди.
Биз шундай қилмоқчимизки, декларацияда давлат раҳбаридан тортиб ҳукумат раҳбари, судьялар, прокурорлар, ҳокимлар, вазирлик ва идоралар раҳбарлари босқичма-босқич декларация тизимига ўтилади. Босқичма-босқич деганда ҳам энг юқоридан тортиб пастга қараб кетади. Энг пастдан юқорига эмас.
Нега босқичма-босқич? Чунки тизим керак. Пировардида барча давлат хизматчилари даромадларини декларациялаш тизимига ўтамиз ва ҳеч ким четда қолиб кетмайди. Бунга ишонтириб айтаман. Босқичма-босқич дегани 10-20 йил дегани эмас. Узоғи беш йил", деди Акмал Бурҳонов.
Аввалроқ, «Ўзбекистон Республикаси Коррупцияга қарши курашиш агентлиги тўғрисида»ги қонун лойиҳаси эълон қилинганди. Унга биноан, агентликка бир қатор ваколатлар берилади.
Шунингдек, Коррупцияга қарши курашиш агентлигининг мақоми ва асосий вазифалари ҳам белгилаб берилган.
815views0replies
0

Изоҳлар