Ўзгидромет хабарига кўра, 5 октябрь куни Ўзбекистонда об-ҳаво кам булутли ва очиқ бўлади, ҳарорат иқлимий меъёрлардан бироз паст бўлиб +20...+25 даражани ташкил қилади.
Кечқурун мамлакат ҳудудининг катта қисмида булутлилик ортиб, республиканинг шимоли-ғарбий туманларида шамол секундига 15-20 метргача бўлган тезликда эсади.
6 октябрь куни республикага Урал ҳудудидан қуруқ, аммо совуқ оқим кириши кутилмоқда. Республика бўйича айрим жойларда шамолнинг тезлиги ошади.
Тунги ҳарорат +7...+12 даража атрофида бўлади, кундузи эса +15...+20 даражагача пасаяди. Тоғолди ва тоғли ҳудудларда айрим жойларга ёмғир ёғиши мумкин.
7-10 октябрда Ўзбекистон ҳудуди атмосферадаги шимолий ҳаво оқимлари таъсирида бўлади. Тунги ҳарорат +3...+8 даражагача, шимолда 0...+5 даражагача пасаяди.
Қайд этилишича, бундай паст тунги ҳароратлар ҳафтанинг охиригача сақланиб туради.
7-8 октябрда кундузги ҳарорат +17...+22 даражани, 9-10 октябрда +15...+20 даражани ташкил қилади.