Ҳодисалар

Наманганда ўзини ёқиб юборган аёл бўйича расмий маълумот берилди

Ҳолат бўйича Наманган шаҳар прокуратураси томонидан жиноят иши қўзғатилган.

Наманганда ўзини ёқиб юборган аёл бўйича расмий маълумот берилди
Фото:Скриншот

Ижтимоий тармоқларда тарқалган Наманган шаҳрида яшовчи фуқаро Г. Дедабаевани ўзини ёқиб юбориб, вафот этганлиги акс этган видео хабардаги ҳолатлар юзасидан Наманган вилоят прокуратураси томонидан терговга қадар текширув ўтказилган, дея хабар бермоқда Бош прокуратура.  

 

Мазкур ҳолат бўйича Наманган шаҳар прокуратураси томонидан Ўзбекистон ЖКнинг 103-моддаси 1-қисми билан жиноят иши қўзғатилган.

 

Иш ҳужжатларига кўра, фуқаролик ишлари бўйича Наманган туманлараро судининг ижро варақасига асосан МИБ Наманган шаҳар бўлими давлат ижрочиси томонидан Г. Дедабоевани яшаб турган хонадонидан мажбурий кўчириш ижро ҳаракати ўтказишни тайинланиб, ушбу хонадонга жорий йилнинг 29 сентябрь куни иштирокчиларни жалб қилган ҳолда ижро ҳаракатини амалга ошириш учун борилган.

 

Шу вақтда, Г. Дедабаева ижро ҳаракатини тўхтатиш, ижро ҳаракатларига қаршилик кўрсатиш мақсадида яшаш хонадони дарвозасининг ташқи олд томонида ўзи билан олиб чиққан 1,5 литр ҳажмли елим идишдаги бензин ёқилғисини устидан қуйиб, ўзини-ўзи ёқиб юборган.

 

Кўрсатилган тиббий муолажаларга қарамасдан Г. Дедабоева 30.09.2020 йилда РШТЁИМ Наманган филиалининг жонлантириш бўлимида вафот этган.

 

Дастлабки суд-тиббий экспертиза хулосасига кўра Г. Дедабоеванинг танаси юзасининг 90% алангадан куйиши, шундан 40% қисми чуқур куйиш ва юқори нафас йўлларининг 1-даражали куйиши унинг ўлимига олиб келган оғир тан жароҳати ҳисобланиши кўрсатилган.

 

Жиноят иши бўйича судга оид тиббий, судга оид ёнғин техникавий ва бошқа зарурий экспертизалар тайинланган.

 

МИБ Наманган шаҳар бўлими давлат ижрочиси ва Наманган шаҳар ИИЎ ФМБ 2-сонли ИИБ ҲПГ ТП профилактика инспектори ҳаракатлари юзасидан хизмат текширувлари тайинланган.

 

Ҳозирда жиноят иши бўйича дастлабки тергов ҳаракатлари давом эттирилаётгани таъкидланган.

изоҳлар
Муса Каримов
4 октябрь, 21:23
Шу аелга ердам беришмаган
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ