Жорий йилнинг 24 сентябридан Корея Республикаси Ўзбекистондан келадиган фуқаролар учун карантин чораларини кучайтирди, дея хабар бермоқда Жанубий Кореянинг Ўзбекистондаги Элчихонаси.
Хориждан коронавирусга чалинганлар киришининг олдини олиш мақсадида ўзбекистонликлардан COVID-19’га қарши ПЗР-тести манфий натижаси маълумотномасининг консул томонидан тасдиқланиши талаб қилинади.
Бунга Жанубий Кореяга киришда ижобий натижали ПЗР-тести аниқлангани, шунингдек, маълумотномаларнинг қалбаки эканлиги аниқланган ҳолатлар сабаб бўлган.
Қалбаки ёки сохталаштириш ҳолатлари аниқланган тақдирда ўзбекистон фуқароси жиноий жавобгарликка тортилиши (1 йилгача қамоқ жазоси ёки 10 миллион вон, тақрибан, 87,8 миллион сўм) ёки депортация (мамлакатга киришга тақиқ) қилиниши мумкин.
ПЗР-тести топшириш учун қуйида кўрсатилган лабораторияларга мурожаат қилиш мумкин.
Элчихона 24 сентябрда Swiss Lab клиникаси рўйхатдан чиқариб ташланганини маълум қилди.