Бош прокуратура ҳузуридаги департамент, ДХХ ва ИИББ ходимлари ўтказган тезкор тадбирда жиноий шериклари билан олдиндан тил бириктириб, лицензия олмасдан, бошқа фуқарога биткоин криптовалютасини сотаётган шахс ушланди.
Бир биткоин электрон пул бирлигини “қора бозор” нархида $10 463 долларда ҳисоблаб, 20 биткоин электрон пул бирлигини $208 320 долларга баҳолаб, ўзининг 7 фоизлик устамасини қўйган ҳолда жами $224 000 долларга сотишга келишиб, харидордан $224 минг долларни санаб олиб, дастлаб қиймати $100 минг доллар бўлган 9,5 биткоин электрон пул бирлигини электрон ҳамёнга ташлаб берган вақтида ашёвий далиллар билан ушланган.
Тезкор тадбирда фуқародан жами $402 071 доллар вақтинча олиб қўйилди.
Мазкур ҳолат бўйича жиноят иши қўзғатилиб, ҳозирда тергов ҳаракатлари олиб борилмоқда.