ДТМнинг хабар беришича, ёшларнинг таълим олиши учун имконият яратиш мақсадида базавий тўлов-контракт асосида талабаликка тавсия этилмаган, лекин 56,7 балл ва ундан юқори балл тўплаган абитуриентларга табақалаштирилган тўлов-контракт асосида ўқиш имконияти яратилади.
Бунинг учун ушбу тоифадаги абитуриентлар, 2020 йил 26 сентябрдан бошлаб олий таълим муассасаларига мурожаат этишлари мумкин.
Маълумот учун, 2019 йилда 32 948 нафар абитуриент ушбу имкониятдан фойдаланган.
Эслатиб ўтамиз, бакалавриат таълим йўналишларига кириш тест синовлари натижалари бугун соат 15:00 дан эълон қилинди.