АҚШ Қишлоқ хўжалиги вазирлиги ҳузуридаги Ҳайвонлар ва ўсимликлар саломатлигини назорат қилиш хизмати (APHIS) Ўзбекистон қишлоқ хўжалиги маҳсулотларини баҳолаш жараёнини якунлади. Бу ҳақда АҚШнинг Ўзбекистондаги Элчихонаси маълум қилди.
APHIS тижорий директори Пракеш Хеббар сўзларига кўра, АҚШ Қишлоқ хўжалиги вазирлиги Ўзбекистонга ловия, мош, нўхат, бодом, ёнғоқ, майиз, қуритилган ўрик, олхўри ва анжир меваларини экспорт қилишига рухсат берди.
“Тез орада америкалик истеъмолчилар Ўзбекистоннинг мазали таъмидан баҳраманд бўлишлари мумкин”, дейилади элчихона хабарида.