Аҳоли орасида 15 октябрдан карантин чоралари қайта кучайтирилиши бўйича берилган саволга АОКАда Коронавирусга қарши кураш штаби аъзоси Нурмат Отабеков иштирокида бўлиб ўтган брифингда қуйидагича жавоб берилди:
— Аввало шуни таъкидлаш керакки республикамизда ҳали карантин чоралари бекор қилинмаган, балки юмшатилган.
Аммо фуқароларнинг нотўғри тушунганликлари натижасида аҳоли орасида коронавирус инфекцияси қайд этилганлар сони камаймаётганлиги сир эмас.
Бир нарсани унутмаслик керак «мен, сен, улар» дейилганидек, карантин тадбирлари кучайтирилиши ва юмшатилиши бизнинг хатти-ҳаракатларимизга боғлиқ, агар биз карантин ва чеклов тадбирларини менсимас эканмиз, профилактик тадбирларни унутиб қўярканмиз, мутахассис шифокорларнинг тавсияларига риоя этмас эканмиз, у ҳолда касаллик кўпайиб кетишига ва Республика Махсус комиссиясини карантин чоралари кучайтириш тўғрисида қарор қабул қилишга мажбур қиламиз.
Эслатиб ўтамиз, мамлакатда 15 августдан карантин қоидалари юмшатилган, аммо қатор чекловлар сақлаб қолинган эди.