Излаш
RUUZ

Жамият

Эндиликда ота-оналар фарзандларига диний  таълим беришлари мумкин бўлади

Қонунчилик палатасида «Виждон эркинлиги ва диний ташкилотлар тўғрисида»ги Қонунига ўзгартиш ва қўшимчалар киритишга оид ҳужжат лойиҳаси қабул қилинди. 

995views0replies
0

Халқ сўзи

Қонунчилик палатасида «Виждон эркинлиги ва диний ташкилотлар тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги Қонун лойиҳаси биринчи ўқишда қабул қилинди. Бу ҳақда Парламент қуйи палатаси депутати Расул Кушербаев ўзининг Telegram каналида маълум қилди.
Қонун лойиҳасида хусусан қуйидагилар белгиланмоқда: 
– ҳар бир шахснинг диний таълим муассасаларида профессионал таълим олиш, шунингдек, ота-оналар ёки уларнинг ўрнини босувчи шахслар томонидан ўз фарзандларига диний амалиёт асослари ва одоб-ахлоқ қоидаларини (уй шароитида таълим бериш) ўргатиш ҳуқуқини бериш; 
– диний ташкилотлар мансабдор шахсларнинг ҳаракатлари (ҳаракатсизлиги) бўйича судга мурожаатлар қилганда давлат божини тўлашдан озод этиш; 
– диний ташкилот рўйхатдан ўтиш жараёнида маҳалла иштирокини бекор қилиш; 
– маҳаллий диний ташкилотни рўйхатдан ўтказиш учун талаб қилинадиган шахслар сонини 100 тадан 50 тагача қисқартириш; 
– фуқароларнинг жамоат жойларида ибодат либосларида юришларига йўл қўймаслик талабини бекор қилиш. 
Қонун лойиҳаси учта ўқишда кўриб чиқилиб, депутатлар томонидан маъқулланган тақдирда Сенатга юборилади. 
Мазкур тартибларга ўз муносабатини билдирар экан, депутат «ўзгаришлар ижобий» эканлигини таъкидлайди.
Эслатиб ўтамиз, амалдаги Қонуннинг 3-моддаси 3-бандида «вояга етмаган болаларни диний ташкилотларга жалб этиш, шунингдек уларнинг ихтиёрига, ота-оналари ёки уларнинг ўрнини босувчи шахслар ихтиёрига зид тарзда динга ўқитишга йўл қўйилмаcлиги» белгилаб қўйилган.
995views0replies
0

Изоҳлар