Жамият

ДТМ тест натижаларини эълон қилишдаги хатоликни расман тан олди

Жорий йил 11 сентябрь куни эълон қилинган тест синовлари натижаларини эълон қилишда техник хатоликка йўл қўйилган. 

ДТМ тест натижаларини эълон қилишдаги хатоликни расман тан олди
Фото:ЎзА

Давлат тест маркази ижтимоий тармоқларда тест натижалари хато ҳисобланган ёки тест синовларида ноҳақликка йўл қўйилган деган мазмундаги постлар ва видеомурожаатлар эълон қилинганидан сўнг мазкур ҳолат ўрганиб чиқилганини маълум қилди.

 

Ҳолат юзасидан маълум қилинишича, 11 сентябрь куни эълон қилинган тест синовлари натижаларини эълон қилишда техник хатоликка йўл қўйилган. Хатолик ижтимоий тармоқларда ёзилгани каби тест натижаларини ҳисоблашда эмас, уларни эълон қилишда кузатилган.

 

Тест натижаларидаги техник хатолик Навоий ва Қашқадарё вилоятлари ҳамда Қўқон шаҳрида 10 сентябрь куни 1-сменада ўтказилган тест синовларида иштирок этган айрим абитуриентларда юзага келган. Мазкур ҳолат аниқланиши билан хатоликни тузатиш ишлари бошлаб юборилган.

 

«Ҳозирда мазкур техник хатолик тузатилиб, тест натижалари хато эълон қилинган абитуриентларнинг натижалари янгиланди.

 

Мазкур абитуриентларлар шахсий кабинетлари орқали янгиланган тест натижаларини қайта кўришлари мумкин. 

Давлат тест маркази йўл қўйилган хатолик учун абитуриентлардан ва уларнинг ота-оналаридан узр сўрайди», дейилади ДТМ изоҳида.

Шунингдек, Давлат тест маркази тест синовларини шаффоф ва адолатли ўтишига ҳисса қўшаётган блогерлар ва оммавий ахборот воситаларига ҳам миннатдорчилик билдиради.

Covid-19 Ўзбекистонда
Юқтирганлар64633(+115)
Соғайганлар61734(+0)
Вафот этганлар541(+1)
Covid-19 Ўзбекистонда
Юқтирганлар64633(+115)
Соғайганлар61734(+0)
Вафот этганлар541(+1)
изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ