Иқтисодиёт

Миллий электр тармоқлари АЖ турк компаниясидан 25 йил электр энергиясини сотиб олади

Cengiz Enerji Тошкент вилоятида қуввати 240 МВт бўлган иссиқлик электр станциясини қуриш лойиҳасини амалга оширади.

Миллий электр тармоқлари АЖ турк компаниясидан 25 йил электр энергиясини сотиб олади
Фото:mift.uz

Жорий йилнинг 10 сентябрь куни Ўзбекистон Республикаси Инвестициялар ва ташқи савдо вазирлигида Туркиянинг Cengiz Enerji энергетика компанияси билан музокаралар ўтказди. Бу ҳақда вазирлик матбуот хизмати хабар берди.

 

Учрашув давомида Тошкент вилоятида қуввати 240 МВт бўлган иссиқлик электр станциясини қуриш лойиҳаси доирасида долзарб масалалар муҳокама қилинди. 

 

Мазкур лойиҳа бўйича келишувга Ўзбекистон Республикаси ҳукумат делегациясининг жорий йилнинг июль ойида Туркия Республикасига амалга оширилган ташрифи давомида эришилган эди.

 

ИЭС қурилиши 150 млн долларгача бўлган миқдорда Туркиянинг тўғридан-тўғри инвестицияларни жалб қилиш, қурилиш пайтида 500 янги иш ўринлари ва ИЭСдан фойдаланиш вақтида 100 иш ўринлари яратиш, йилига 2 миллиард кВт.с миқдорида арзон электр энергиясини ишлаб чиқаришни таъминлаш имконини беради. 

 

Учрашув якунлари бўйича Cengiz Enerji ва Инвестициялар ва ташқи савдо вазирлиги ўртасида Инвестицион битим, шунингдек, Ўзбекистон Миллий электр тармоқлари АЖ билан турк компаниясидан 25 йил муддатга электр энергиясини сотиб олиш бўйича Битим имзоланди.

 

Қурилиш ишларини жорий йил охиригача бошлаб юбориш, ҳамда қурилиш бошланганидан сўнг 12 ойдан кечиктирмай тайёр объектни ишга тушириш режалаштирилган.

Covid-19 Ўзбекистонда
Юқтирганлар64811(+293)
Соғайганлар62033(+299)
Вафот этганлар542(+2)
Covid-19 Ўзбекистонда
Юқтирганлар64811(+293)
Соғайганлар62033(+299)
Вафот этганлар542(+2)
изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ