Бугун АОКАда пахта йиғим-терими масалаларига бағгишланган пресс-конференцияда Бандлик ва меҳнат муносабатлари вазири ўринбосари Баҳодир Умрзоқов кимлар пахта теримига жалб қилинишини маълум қилди.
“Пахта терувчилар 2 хил бўлади. Биринчиси ўз манзилида пахта терадиганлар, иккинчиси эса бошқа ҳудудлардан келиб теримга ёрдамлашадиганлар. Барча теримчилар учун меҳнат шароитлари ташкиллаштирилади.
Теримга, авваламбор, ишсизлар: ёшлар, хотин-қизлар, хоҳиш билдирса, кексаларни ҳам жалб қиламиз”, деди Баҳодир Умрзоқов.
Аввалроқ, пахтанинг 1 килоси учун биринчи теримда 1000 сўм, иккинчи теримда 1400 сўм тўланиши айтилганди.