ИИВ ЙҲХББ Ахборот хизмати хабар беришича, кеча, 1 сентябрь куни соат 12:18 ларда, Навоий вилояти, Конимех тумани ҳудудидан ўтувчи А-379 “Навоий-Зарафшон-Учқудудуқ” автомобиль йўлида 1994 йилда туғилган ҳайдовчи Е.Б. Nexia русумли автомобилни бошқараётиб, ухлаб қолиши оқибатида йўлнинг ўнг томонига чиқиб кетиб ағдарилган.
Оқибатда, Nexia русумли автомобиль йўловчиси 2010 йилда туғилган Г.Н. оғир тан жароҳатлари олиб шифохонада вафот этган.
Ушбу ЙТҲ бўйича Конимех тумани ИИБ ҳузуридаги ТБ томонидан дастлабки терговолди суриштирув ҳаракатлари олиб борилмоқда.