Коллежларга қабул параметрлари тасдиқланди
2020/2021 ўқув йили учун вазирликлар ва идоралар тизимидаги 200 та коллежга қабул параметрлари тасдиқланди.
Олий ва ўрта махсус таълим вазирлиги 2020/2021 ўқув йили учун коллежларга қабул параметрлари тасдиқланганини маълум қилди.
Қайд этилишича, Ўзбекистон Республикаси Таълим муассасаларига ўқишга қабул қилиш бўйича Давлат комиссиясининг 2020 йил 7 августдаги 2-сон баёнига мувофиқ 2020/2021 ўқув йили учун вазирликлар ва идоралар тизимидаги 200 та коллежга қабул параметрлари тасдиқланган.
Унга кўра, мазкур коллежларга давлат гранти асосида қабул параметрлари – 12 762 та.
Шунингдек, коллежларда кадрлар тайёрлаш камида умумий ўрта маълумотга эга бўлган шахслар ҳисобидан касблар ва мутахассисликларнинг мураккаблигидан келиб чиққан ҳолда 2 йилгача муддатда кундузги, кечки ва сиртқи таълим шаклларида давлат буюртмаси ҳамда тўлов-контракт асосида амалга оширилиши белгиланмоқда.
Ўзбекистон 2020 йилда жами $5,8 миллиардлик олтин экспорт қилди
Тошкентда қалбаки 100 минг сўмлик купюраларни ишлаб чиқараётган шахслар ушланди
2020 йил якуни бўйича давлат бюджетининг даромад ва харажатлари миқдори маълум қилинди