Бугун, 15 август куни Самарқанд вилояти Нуробод тумани Жом қишлоғида ҳайдовчи ўзининг бошқарувидаги “Жигули” автомобили билан каналга тушиб кетган.
Самарқанд вилояти Фавқулодда вазиятлар бошқармаси қутқарувчилари бошқарувни йўқотиши оқибатида "Эски Анҳор" каналига тушиб кетган автомобилни қирғоққа олиб чиқишди.
Ушбу фавқулодда вазият Самарқанд вилояти Нуробод тумани Жом қишлоғида содир бўлди. Автомобиль чиқариб олинганда, уни бошқарган ҳайдовчи салондан топилмади. Ҳозирда ғаввос-қутқарувчилар томонидан автомобиль ҳайдовчисини сув остида қидирув ишлари олиб борилмоқда.