Тошкентда 15 августдан жамоат транспортининг барча тури, шу жумладан метрополитеннинг ер ости қисми ҳамда йўналишли таксилар ўз ҳаракатини бошлайди. Бу ҳақда «Тошшаҳартрансхизмат» матбуот хизмати хабар бермоқда.
«Аҳоли талабидан келиб чиқиб, жамоат транспортининг барча тури, шу жумладан Тошкент метрополитенининг ер ости қисми ўз ҳаракатини 17 августдан эмас, балки 15 августдан бошлайди», - дейилади хабарда.
Қайд этилишича, жамоат транспортида санитар талабларга риоя қилиш қатъий назорат қилинади.