Бош прокуратура ҳузуридаги Департаментнинг Юнусобод тумани бўлими томонидан туман Санитария-эпидемиологик осойишталик маркази бош шифокори қўлга олинган.
Бош прокуратура маълум қилишича, бош шифокор Республика махсус комиссиясининг йиғилиш баёнига зид равишда 22 нафар фуқаронинг автотранспорт воситасига Республикада эълон қилинган карантин вақтида эркин ҳаракатланиш учун сохта маълумотнома тайёрлаб, махсус рухсатнома расмийлаштириб берган.
Ушбу ҳолатлар бўйича, Жиноят кодексининг 209-моддаси билан жиноят иши қўзғатилиб, тергов ҳаракатлари ўтказилмоқда.