Президент Шавкат Мирзиёев 10 август куни ўтказган йиғилишда коронавирус пандемияси билан боғлиқ вазиятга тўхталиб ўтди. Бу ҳақда президент матбуот хизмати хабар берди.
Хусусан, барча ҳудудларда даволаш ўринлари ва тиббий ускуналар сони бир неча баробар кўпайтирилгани, тез тиббий ёрдам ва даволаш сифати яхшилангани натижасида охирги бир ҳафтада мамлакатимиз бўйича коронавирусдан соғайиш кўрсаткичи ошгани қайд этилди.
Президент фуқаролар ҳаёти ва соғлиғи ҳимоясини янада кучайтирган ҳолда, пандемия шароитида яшаш ва ишлашда давом этиш, карантин талабларини босқичма-босқич юмшатиш муҳимлигини таъкидлади.