Криминал

Навоийда 230 млн сўмлик олтинни ўғрилаётганлар қўлга олинди

Фуқаролар “Айгул-партия” деб номланган эски олтин конидан тошларни қазиб олаётганида ушланди.

Навоийда 230 млн сўмлик олтинни ўғрилаётганлар қўлга олинди
Фото:Миллий гвардия

Навоий вилоятида Миллий гвардия ва ИИБ ходимлари томонидан ўтказилган тезкор тадбир натижасида Учқудуқ тумани Алтинтоу маҳалласида жойлашган “Айгул-партия” деб номланган эски олтин конидан таркибида олтин зарралари бўлган тошларни ноқонуний йўл билан қазиб олаётган Хатирчи туманида яшовчи фуқаролар Т.Ж. ва Ш.М.лар қўлга олинган. Бу ҳақда Миллий гвардия Матбуот хизмати хабар берди.

 

Маълум қилинишича, фуқаро Т.Ж. ўзининг бошқарувидаги давлат рақами 85 J 126 BA бўлган Форд русумли автомашинасида 17 та қопга жойланган 1264 кг оғирликдаги таркибида олтин зарралари бўлган майда тошларни, фуқаро Ш.М. эса ўзининг бошқарувидаги давлат рақами 85 С 684 СA бўлган Форд русумли автомашинасида 33 та қопга жойланган 1654 кг оғирликдаги тошларни олиб чиқиб кетаётганида тўхтатиб қолиниб холислар иштирокида баённома расмийлаштирилган.

 

Таркибида олтин зарралари бўлган ушбу тошлар мутахассислар томонидан (1 гр 604863,5 сўм белгиланган нархда) текшириб кўрилганда, фуқаро Т.Ж.томонидан ўзлаштирилган 1264 кг оғирликдаги тошлардан 148 гр (89 000 000 сўм) миқдордаги олтин моддаси борлиги, фуқаро Ш.М. дан олинган 1654 кг оғирликдаги тошлардан эса 234 гр(141 000 000) миқдордаги олтин моддаси борлиги аниқланган.

 

Мазкур ҳолат юзасидан ҳозирги кунда Новоий вилояти Учқудуқ тумани ИИБ ходимлари томонидан суриштирув ишлари олиб борилмоқда.

Covid-19 Ўзбекистонда
Юқтирганлар55878(+477)
Соғайганлар52466(+501)
Вафот этганлар461(+2)
Covid-19 Ўзбекистонда
Юқтирганлар55878(+477)
Соғайганлар52466(+501)
Вафот этганлар461(+2)
изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ