Соғлиқни сақлаш вазирлиги Ўзбекистонда коронавирусга чалинганлар тўғрисидаги сўнгги маълумотларни эълон қилди. Унга кўра, 2020 йил 4 август соат 10:00 ҳолатига COVID-19 инфекцияси қайд этилганлар сони 26 550 (+249) нафарни ташкил этмоқда.
Янги касалланиш ҳолатларининг 126 нафари — Тошкент вилояти, 79 нафари — Тошкент шаҳрида, 14 нафари — Хоразм вилоятида, яна 14 нафари — Навоий вилоятида, 11 нафари — Қашқадарё вилоятида, 5 нафари — Қорақалпоғистон Республикасида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Айни пайтда юртимизда 17 262 нафар коронавирус инфекциясига чалинган фуқаролар (65 фоиз) соғайган.
Ҳозирда мамлакатимизда 9 127 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 927 нафари оғир, 224 нафари эса ўта оғир аҳволда.