Ички ишлар вазирлиги томонидан Тошкент шаҳридаги Бадиий гимнастика спорт мажмуасида ташкил этилган вақтинчалик шифохона беморларни қабул қилишни бошлади. Бу ҳақда Ички ишлар вазирлиги матбуот хизмати хабар берди.
Маълум қилинишича, тез тиббий ёрдам кўрсатувчи даволаш муассасаси 750 ўринга мўлжалланган бўлиб, унда малакали тиббиёт ходимлари фаолият юритиши таъминланган.
Ўзида коронавирус аломатини сезган беморлар 103 қисқа рақами орқали мурожаат қилишлари ёки шахсий автомашиналарида келиб даволаниши мумкин.