Ўзгидромет хабарига кўра, ҳафта бошидан республикада об-ҳаво яна қуруқ, асосан кам булутли ва иссиқ бўлади.
Кечаси ҳарорат +20...+23 даража атрофида, кундузи +36...+39 даражагача кўтарилади. Қайд этилишича, бундай об-ҳаво одатда август ойининг биринчи ярмида кузатилади.
Мамлакатнинг шимолий ҳудудлари Волгабўйи устида шаклланган баландликдаги циклон билан боғлиқ бўлган нам ва салқин ҳаво оқими таъсирида бўлади.
Қорақалпоғистонда ва Хоразм вилоятида булутлилик ортади, 4-5 августда шамолнинг тезлиги секундига 15 метргача кучайиши мумкин. Ҳарорат бу ҳудудларда +30...+33 даража атрофида бўлади.