Тошкент шаҳри туманларининг бирида яна бир улкан байроқ тикланди. Флагштокнинг умумий узунлигини 53 метрни ташкил этади. Унга ўрнатилган байроқнинг узунлиги 12 метр, эни эса 6 метр.
Туман ҳокимлиги маълумотига кўра, флагшток мустақилликнинг 29 йиллиги муносабати билан ўрнатилди. У ҳозир Республикамиздаги мавжуд энг баланд байроқлар бешлиги сирасига киради.
Эслатиб ўтамиз, Ўзбекистон мустақиллигининг 28 йиллиги байрами арафасида Андижонда тутқичи 64 метрдан иборат байроқ тикланган ва уни ўрнатиш ишлари учун 850 миллион сўм маблағ сарфлангани айтилганди.
Маълумот учун, Тошкент (65 метр), Бухоро (60 метр), Самарқанд (60 метр) ва Урганч (60 метр) шаҳарларида ҳам улкан байроқлар ўрнатилган.